التصوير الفوتوغرافي والتصوير بالفيديو هما اللغات الوحيدة التي يمكن فهمها في جميع أنحاء العالم!!
بداية استخدام العالم لهذه اللغة يرجع لأقل من 200 سنة ومر بمراحل كثيرة .في البداية كان عن طريق المواد الكيميائية والمعدات الثقيلة. وبعد الدخول في مراحل عديدة من التطور اصبحت اقل حجما وأكثر سهولة للاستخدام. الرسم بالضوء أو التصوير هو فن يوصف لحظات معينة. او ممكن يكون إسقاط مشهد محدد. لكن التصوير نوع واحد ولا ممكن يكون اكتر من نوع!!
7 أنواع للتصوير الفوتوغرافي:
1) التصوير الفوتوغرافي
وده تقريبا النوع الاكثر شيوعا. بيشمل الصور الشخصية زي التجمعات العائلية في كتير من المناسبات زي الافراح. هنا التركيز يكون على ملامح الأشخاص أكتر وامتي يعمل زووم على الجسم ككل او يعمل فوكس على جزء معين. المصور بيستخدم الأنوار لأنها بتساعد بشكل كبير في جودة الصورة.
2) التصوير الصحفي
يهتم بنقل الأخبار المهمة او التاريخية في شكل قصص. أهم عنصر لازم يكون موجود في النوع ده هو المصداقية في نقل الاخبار ووصفها بشكل صحيح. هنا المصور بيكون أشبه بالمراسل لان اهتمامه بيكون اكبر بالمناسبات زي المؤتمرات المحلية والعالمية في مختلف النشاطات.
3) تصوير الأزياء
اعتماد النوع ده من التصوير بيكون على معارض الازياء والاكسسوارات. التحدي بيظهر للمصور انه يكون ملم باجدد الازياء العالمية. الهدف بيكون ازاي يجذب أكبر عدد من المهتمين بالموضة من خلال التصوير. وعرض الصور من خلال المجلات. كتير من الناس بتفضل النوع ده من التصوير لأنه يعتمد على ذكاء العرض، وازاي الصور ديه تشد المهتمين.
4) التصوير الرياضي
بيكون معتمد على نقل الأحداث الرياضية بمختلف أنواعها من بطولات محلية وعالمية. هنا ذكاء المصور في السبق أنه ازاي يعرف يصور لحظات معينة للجماهير او المدربين. التصوير الرياضي بينقل الشغف والأوقات الدرامية التي تؤثر بشكل كبير في الرياضية. التحدي هنا بيكون موجه للمصور انه ازاي يعرف يصور الحدث في اسرع وقت ممكن وباحسن جودة.
5) التصوير الساكن
يعتني بوصف الجماد والأحداث الفنية والتجارية. ويستخدم في تسويق المنتجات زي الصور اللي بتكون موجودة في المجلات والكتالوجات.
6) التصوير التحريرى
يوضح القصص والمقالات وغالبا بيكون استخدامه للصحف. من مميزاته انه يقدم معلومة للقاريء. بيكون موجود في الكتب المدرسية والمقالات. التصوير التحريرى الجيد قادر على توصيل العلامة التجارية بدون الاحتياج لإظهار الشعار.
7) التصوير المعماري
هدفه التقاط الصور للطرق و السيتي سكيب والمباني. بيكون فيه نوعين من التصوير المعمارى للمباني، الداخلي وده مميزاته بتظهر في استغلال الأضواء سواء في النهار أو الليل، والخارجي ويعتمد على الأضواء المستمدة من النوافذ. بالرغم من المميزات الموجودة في النوعين إلا أن المصورين المعماريين بيستخدموا الأضواء الإضافية.
التصوير بالفيديو
هو عملية استخدام الصور المتحركة. استخدام التصوير بالفيديو لا يقتصر على الاستخدامات التقليدية فقط زي الالعاب او الاعمال الانتاجية. إلا أنه تم استخدامه في مجال الطب لتشخيص العديد من الأمراض.
التصوير بالفيديو بيشمل 8 انواع:
1) فيديو الفاصل الزمني
من اكثر الانواع المفضلة لدي مصممين الفيديوهات والمشاهدين. النوع ده بيهتم بالمناظر الطبيعية زي تحركات الامواج او أوقات غروب أو شروق الشمس بعض اللحظات النادرة للقمر أو السحب. الهدف هنا بيكون انه يقدم فكرة عن العالم ككل.
2) فيديو المراجعة
كتير من الناس تعتمد على النوع ده من الفيديوهات لأنه يقدم مزايا وعيوب منتج جديد أو خدمة معينة. المشاهدين هنا بيتاثروا بالمعلومات اللي بتتقدم في الفيديوهات. فيديوهات المراجعة مش بتكون مقتصرة على المنتجات أو الخدمات فقط، ولكن بتشمل مراجعة الافلام والمسلسلات اللي بيكون عليها طلب من المشاهدين. أهم عنصر هنا هو الثقة انك ازاي تقدم معلومات صحيحة.
3) فيديوهات الترفيه
الهدف الأساسي من النوع ده من الفيديوهات هو التسلية. كتير في وقت الفراغ بيدور علي حاجة مسلية او مضحكة علي السوشيال ميديا زي المقالب اللي ممكن صحاب يعملوها مع بعض او الفيديوهات اللي بتتعمل من المشاهير.
4) فيديو المقابلات
يستخدم في التواصل مع الموظفين في بعض الشركات لمناقشة الأمور المتعلقة بالعمل. وكمان طريقة فعالة للتواصل مع المستهلكين لمعرفة الآراء المتعلقة بالمنتج او الخدمة اللي بتقدمها وازاي تقدر تحسن منهم.
5) الفيديوهات الترويجية
افضل الطرق تبني بيها العلاقات مع المستهلكين. الفيديو الترويجي يقدم منتجك او الخدمة اللي بتقدمها للمستهلك. ممكن من خلاله تقدم مزايا المنتج أو الخدمة بتاعتك في خلال ثواني. هنا التحدي في انك ازاي تقدر تقدم كل مزايا الخدمة أو المنتج في وقت قصير.
6) الدورات التدريبية
- الميزة هنا تكمن في انك تكون عندك القدرة علي تعليم حاجة للمشاهد او تقدر تأثر بكلمك في سلوك الجمهور. بنشوف أمثلة على النوع ده كتير زي فيديوهات تهدف لتعليم الناس الطبخ أو تقوم بشرح مسائل حسابية. ونقدر نقيس علي النوع ده الفيديوهات اللي بتشجع الناس على تعليم مهارات جديدة أو بتدفع الناس للتطوير.
7) الرسوم المتحركة
اكفء طريق للتعبير عن رسالتك مع ترك اثر على نفس المشاهد لان النوع ده من الفيديوهات يهدف لتخفيف الضغوط على المشاهدين. بالرغم أن معظم الناس بتعتقد ان الرسوم المتحركة للترفيه فقط الا انها من افضل الطرق المستخدمة للترويج بسبب سهولة إنتاجها وفاعليتها في جذب المشاهد.
8) مناقشات الويب
تستخدم لتقديم المعلومات القيمة للمشاهدين، مناقشات الويب او الويبنار. وبتكون زي اللايف ايفنتس اللي بتساعد الناس بالمعلومات عن بعض المواد. وبتستخدم في توصيل المعلومات عبر المسافات البعيدة بطريقة سهلة وسريعة.
في النهاية، أفضل طريقه للتعبير عن المنتج أو الخدمة هو التصوير الفوتوغرافي او التصوير بالفيديو لانه بيقدم لعملائك مشروعك باختصار. ويساعد بشكل كبير في جذب بعض العملاء المحتملين، حتى لو طريقة تسويق المنتج فعالة أنت في احتياج للتصوير الفوتوغرافي او الفيديو لانه يساهم في ترويج مشروعك.